Të paktën 5 persona kanë rënë në prangat e policisë italiane pas një operacioni të njësisë hetimore të Firences, të koordinuar nga prokurori i rrethit mafias në kryeqytetin toskan.
Mediat italiane shkruajnë se nga ky operacion janë arrestuar 4 shqiptarë dhe 1 italian, të cilët dyshohet se vepronin në grup për të trafikuar marijuanë kryesisht nga Shqipëria drejt Italisë.
Operacioni u zhvillua në krahinat e Firences, Sienës, Brindisit dhe në Vlorë, Shqipëri duke kapur rreth gjysmë ton marihuanë.
Droga sillej nga brigjet e Shqipërisë në ato të Pulias. Nga këtu dërgohej në vendet kryesore tregtare italiane. Detajet e operacionit do të shpallen gjatë një konference shtypi që do të mbahet në selinë provinciale të karabinierëve në Firence.
