Një historian polak e ka hedhur gjigantin amerikan “Facebook” në gjyq mbi praktikat gjithnjë e më të rënda të censurës së kompanisë, duke akuzuar rrjetin social për diskriminim bazuar në nacionalitetin, pikëpamjet politike dhe fenë.
Maciej Swirski, president i Lidhjes polake kundër shpifjes, është ankuar se “Facebook” pezulloi llogaritë e shumëfishta që vendosën informacion rreth një marshimi të Ditës së Pavarësisë 2016 të sponzoruar nga grupet nacionaliste, edhe pse asgjë për ngjarjen apo postimet duket se nuk shkelte rregullat e faqes.
“Unë nuk jam anëtar i Lëvizjes Kombëtare, por si qytetar dëshiroj të informoj veten për ngjarjen në fjalë dhe unë u bllokova nga kjo,” tha ai për AFP, duke shtuar se ndërsa platforma nuk e kishte censuruar fjalimin e tij , ai e kishte penguar atë të hynte në përmbajtjen që kishte dashur të shihte.
“Ne do të donim të dinim se çfarë mekanizmash përdor “Facebook” për të moderuar përmbajtjen” tha Swirski.
Në intervistat me median polake, ai vuri në dukje se faqet anti-katolike dhe anti-krishtere u lejuan të mbeteshin, pavarësisht nga përmbajtja shumë më fyese se sa faqet e larguara nga “Facebook”.
