Ish-deputeti Endri Hasa ka publikuar një video nga momenti kur disa dhjetëra qytetarë në Librazhd tentuan t’i bllokonin rrugën eskortës së Kryeministrit Edi Rama.
Sipas Hasës, në të shihet edhe momenti kur eskorta devijon rrugën.
“Pamjet tregojnë një Edi Ramën e vërtetë, një frikacak që, megjithëse i rrethuar nga qindra policë me dhe pa uniforme, me dhe pa skafandra, i bie rrugës së malit, si klandestin. Kryeministri ilegjitim, qe i fryn me kënaqësi perverse erërave të konfliktit civil, ta harrojë se duke përdorur policinë, prokurorinë, shërbimin sekret apo cilindo institucion tjetër të kontrolluar prej tij, do të mund të shpëtojë nga verdikti i popullit”-shkruan Hasa.
