43-vjeçari bie nga skela në Lezhë, ndërron jetë në spital.
Rreth orës 13:00 të kësaj të diele, M.Sh., 43 vjeç, banues në Lezhë, duke punuar në një objekt në ndërtim, në qytetin e Lezhës është rrëzuar nga skela e për pasojë ka marrë dëmtime të shumta trupore.
43-vjeçari është dërguar në spitalin rajonal Lezhë në gjendje të rëndë ku dhe ka humbur jetën, njofton policia, teksa thotë se grupi hetimor vazhdon veprimet në vendngjarje dhe po punon për sqarimin e plotë të rrethanave të ngjarjes.
