Kreu i PD-së ftoi shqiptarët nesër në protestën e organizuar nga opozita e bashkuar, duke theksuar se do jetë fundi i kryeministrit Rama.
“Nuk do ketë përplasje nesër në protestë, ftoj shqiptarët me gjithë familjet kundër Ramës. Nesër do vuloset fundi i Ramës. Protesta do jetë paqësore, do jem bashkë me vajzat dhe bashkëshorten”- u shpreh Basha në një lidhje telefonike në emisionin “Opinion”.
Basha theksoi se në 30 qershor nuk do ketë zgjedhje pasi dekreti i Metës është në fuqi.
“30 qershori do jetë një ditë që nuk do ketë zgjedhje. Do zbatohet dekreti i Presidentit i cili është botuar në fletoren zyrtare”-deklaroi Basha..
