Kandidati demokrat Bill de Blasio e pësoi keq gjatë tentativës së tij për të folur spanjisht. De Blasio përdori një citim të udhëheqësit revolucionar marksist Che Guevara përpara një grupi të madh refugjatësh në Miami.
Pas debatit të parë mes kandidatëve demokratë që u mbajt të mërkurën, kryetari i bashkisë së New York-ut u bashkua në një tubim të punëtorëve grevistë në Aeroportin Ndërkombëtar të Miamit dhe bërtiti: “Hasta la victoria, siempre!”
“Hasta la victoria siempre…”
Says Bill De Blasio in *Miami* pic.twitter.com/fAc2Wds5YD— liz roldan (@lizroldancbs4) June 27, 2019
Fraza spanjolle që përkthehet “Deri në fitore, gjithnjë!”, është një thënie e njohur e Guevara, i cili ndihmoi Fidel Castron të marrë pushtetin gjatë Revolucionit Kuban të vitit 1959.
“Time” shkruan se përdorimi i kësaj fraze nuk u prit mirë në Miami dhe senatori i shtetit, José Javier Rodriguez kërkoi nga de Blasio të kërkojë falje.
Dhe ai këtë bëri. De Blasio kërkoi falje të enjten, duke thënë se ai nuk ishte në dijeni të historisë që qëndronte pas kësaj fraze.
Në një prononcim për “CNN”, De Blasio tha: “Unë kërkoj falje për shkak se nuk e kam kuptuar kontekstin. Unë e kuptova atë fjalë për fjalë si një përkthim spanjisht”.
“The eyes of the world are on Miami-Dade and on this airport.” -De Blasio.
Followed that up by “Hasta la victoria siempre!” (famous Che Guevara quote) pic.twitter.com/vabGaueE43
— Taylor Dolven (@taydolven) June 27, 2019
