Dy maturantë janë plagosur rëndë pas festës së tyre.
“Një aksident me dy të plagosur rëndë ka ndodhur në aksin rrugor Bulqizë-Fushë Bulqizë, në vendin e quajtur Ura e Vocit.”, raporton Harta Digitale e Aksidenteve Rrugore.
Sipas policisë lokale mësohet se dy të aksidenturit ishin maturante, të cilët po ktheheshin nga mbrëmja e maturës.
Dy të rinjtë udhëtonin me makine tip Benz me targa AA 046 VP.
Shkak i aksidentit dyshohet se ka qenë shpejtësia e madhe dhe humbja e kontrollit të drejtuesit të mjetit.
Fillimisht të plagosurit janë dërguar në spitalin e Bulqizës, ku dhe u është dhënë ndihma e parë, më pas janë dërguar me helikopter drejt spitalit ushtarak Tiranë, për një mjekim më të specializuar.
