Kryeministri Edi Rama u vu në vështirësi nga gazetarët të cilët e mbuluan me pyetje sapo ai doli nga qendra e votimit në Surrel.
“Çfarë do ndodhë me 13 tetorin?”, apo “Nëse BD do të fitojë qoftë një bashki të vetme, a do shkoni ju në zgjedhje të parakohshme?”, ishin pyetjet që iu drejtuan kryeministrit Edi Rama, i cili refuzoi të përgjigjej.
Por e gjithë kjo kulminoi me pyetjen e gazetares Klodiana Lala, e cila i zu rrugën kryeministrit dhe tha: “Si ishte ndjesia të votoje në kohën e komunizmit?”.
Diskutimi:
Rama: Jam në paqe me ju, ju dua shumë, jeni të mirë.
Lala: Zoti Rama për shkak të moshës besoj të keni votuar edhe në kohën e komunizmit? A më jepni pas kaq vitesh një ndjesi se si ishte të votoje asaj kohe?
Rama: A mund të ma hapni rrugën?
Lala: Patjetër por pasi të ktheni përgjigje. Sepse keni paqe me median, s’duhet ta prishni sot.
Rama: A mund të ma hapni rrugën?
Lala: Po duhet të më jepni përgjigje, pastaj do t’jua hap rrugën.
Rama: Akoma nuk e mësuar se rruga nuk i zihet askujt që është në të drejtën e vet.
Lala: Si ishte të votoje në Komunizëm zoti Rama?
Rama: A mund të ma hapni rrugën?
Lala: Është shumë e rëndësishme ndjesia juaj sot, ndjesia e një artisti për më tepër.
Rama: A mund të ma hapni rrugën? Uau.
Lala: Të nesërmen çfarë do të bëni zoti Rama, do shkoni në tryezë dialogu me opozitën? Sepse e sotmja po mbaron, po nesër çfarë do të ndodhë.
Rama: Ja dallimi i madh mes të shkuarës dhe të sotmes. Sot të zënë rrugën gazetarët dhe qofsh kush qofsh je i detyruar të…
Lala: Po na ke thënë kazan zoti Rama për kaq vjet, të paktën sot duhet të na përgjigjeni.
Rama: …të kërkosh dhe të lutesh a mund të ma hapni rrugën?
Lala: Ia hapim rrugën kryeministrit, faleminderit!
