Partia Demokratike ka publikuar një video, duke akuzuar PS-në për blerje votash.
Në një deklaratë për mediat nga selia blu, Sekretari Zgjedhor, Kaso, tha se kjo është një nga shumë provat e blerjes dhe manipulimit të votës dhe se prokuroria nuk ka bërë asnjë lëvizje për të hapur hetimet.
Ai tha se ndryshe nga zgjedhjet e shkuara, KQZ-ja po mban peng të dhënat duke pasur vazhdimisht pasaktësi dhe përplasje lidhur me të dhënat.
Kaso theksoi se KQZ do mbajë përgjegjësi para ligjit si bashkëpunëtore e manipulimit të zgjedhjeve të 30 qershorit.
