Avokati Peter Lumaj që u largua nga Shqipëria komuniste reagoi të mërkurën kundër një videoje të New York Times e cila thoshte se “Amerika është vetëm në rregull” dhe jo madhështore.
Video rendiste Shteteve të Bashkuara në mesin e vendeve të tjera të zhvilluara, duke argumentuar se SHBA-ja “ishte e madhe”, por korrupsioni publik, problemet e zgjedhjeve dhe çështje të tjera kanë bërë që SHBA të afrohej me disa nga vendet në zhvillim.
“Amerika mund të ketë qenë dikur më e rëndësishmja, por sot Amerika, është në rregull”, thuhej në video nga komentuesi.
Peter Lumaj tha për “Fox & Friends” se baza mbi të cilën u themelua Amerika është ajo që e bën vendin tonë të ndryshëm nga pjesa tjetër.
“Madhështia amerikane bazohet në lirinë dhe dokumentet themelore të këtij vendi”, tha ai. “Për shkak të dokumenteve themelore, lirisë që i japim kombit, ne kemi zhvilluar kombin më të madh në tokë”.
Lumaj shpjegoi se babai i tij vdiq në një kamp përqendrimi që fëmijët e tij të jetonin në liri. Ai shtoi se kaloi nëntë muaj në kampet e ndryshme të refugjatëve, ku ai u procedua, iu morën shenjat e gishtave dhe shkoi në një hetim paraprak, por sipas tij ia vlejti që të vinte në Amerikë.
“Fakti që ne donim atë që Shtetet e Bashkuara kishin për të ofruar, atë liri, atë mundësi, ne ishim të gatshëm të sakrifikonim çdo gjë dhe gjithçka që mundëm që të kishim për të ardhur këtu dhe të jetonim ëndrrën amerikane“, tha ai.
Avokati shprehu shqetësimin e tij për shtyrjen drejt socializmit të Shteteve e Bashkuara, duke thënë se kombi ynë është duke “kryer vetëvrasjen” duke promovuar të njëjtat ideale që dështuan në Shqipëri.
“Unë jam duke jetuar ëndrrën amerikane dhe kështu janë qindra e qindra mijëra njerëz që kanë ikur nga Evropa Lindore”, vazhdoi ai.
Videoja e Opinionit të New York Times mbështeste provat e saj mbi renditjen e Shteteve të Bashkuara në mesin e vendeve të tjera në Organizatën për Bashkëpunim dhe Zhvillim Ekonomik. Sipas videos, Shtetet e Bashkuara kanë një nga normat më të larta të varfërisë në mesin e vendeve të përfshira, me gati një në pesë fëmijë që jetojnë në varfëri.
Komentatori kritikoi SHBA-në sepse “zgjedhjet janë të manipuluara, uji nuk mund të pihet nga çezmat, qytetarët nuk u besojnë policëve, infrastruktura po shkatërrohet dhe ku një sistem dualist është në zhvillim ku shërbimet publike janë në shitje për ofertuesin më të lartë. “
VINI RE: Ky artikull është pronësi intelektuale e Fox News
