Drejtoresha e shkollës fillore ‘Heavers Farm’ në Londrën jugore pezulloi dy nxënëse të krishtera 10-vjeçare, pasi njëri prej tyre kërkoi leje që të mos merrnin pjesë në një mësim LGBT gjatë ‘Muajit të Krenarisë Gay’.
Drejtoresha e shkollës, Susan Papas, e cila i detyroi nxënësit të marrin pjesë në një paradë ‘Krenaria Gay’ vitin e kaluar, u tha dy fëmijët, të cilët janë me prejardhje afrikane, se ishin një zhgënjim për shkollën, raportoi të hënën, ‘Christian Concern’.
Më 20 qershor, nxënësi Farrell Spence i kërkoi mësuesit të tij, Alex Smith, që të mos merrte pjesë në një mësim kur z. Smith shpërndau materialin LGBT për t’u ngjyrosur. Mësuesi e refuzoi lejen, duke insistuar që mësimi LGBT ishte pjesë e kurrikulit.
Pas mësimit, zoti Smith thuhet se akuzoi Farrell për përdorimin e gjuhës homofobike duke thënë, ‘LGBT ta shpif dhe LGBT idiote’, gjë të cilën fëmija e mohon kategorikisht.
Farrell, një katolik, ishte ulur me shoqen e klasës, Kaysey Francis, një kristiane dhe i tha një mësuesi tjetër se ai nuk e pranon për shkak të fesë së tij.
Mësuesi thuhet se i ka pyetur dy fëmijët, ‘A doni që njerëzit e LGBT të vdesin?’
‘Ne nuk thamë jo,’ u përgjigj Farrelli, por shtoi se nëse ktheheshin në vendet e tyre ata do të ndëshkoheshin për të qenit homoseksualë.
Mësuesi e pyeti Farrellin se nga ishte dhe djali u përgjigj se ai ishte afrikano-xhamaikan dhe atje të gjithë ishin të krishterë dhe prandaj nuk e pranonin LGBT.
Më vonë, drejtoresha e shkollës Papas, thuhet se i thirri dy fëmijët dhe bërtiti: ‘Si guxon ti? Ju jeni një zhgënjim në këtë shkollë.’
Zonja Papas, vajza e së cilës Atija, është lezbike dhe Menaxhere e Shkollës, më pas i vendosi fëmijët në dhoma të veçanta duke qortuar Kaysey: ‘Si guxon të thoni se doni të vrisni njerëzit LGBT?’
Kaysey u përgjigj: ‘Unë nuk thashë vrasje.’
Zonja Papas pastaj raportohet se i ka bërtitur duke i thënë: ‘Po e bëre dhe mos gënje’ ndërsa më vonë e dërgoi vajzën në dhomën e dënimit nga ora 10:00 deri në orën 15:00. Mësuesja më vonë i pezulloi dy fëmijët Kaysey dhe Farrell nga shkolla për pesë ditë.
Shkolla Fillore ‘Heavers Farmer’ edukon 750 nxënës në një bashki multikulturore dhe multi-fetare të Londrës jugore. Së bashku me Menaxheren e Shkollës, zv.drejtori është gjithashtu gay.
Nënat e dy fëmijëve u ankuan tek Zyrtari Kryesor, duke përmendur rregulloret e shkollës që thonë se është e paligjshme të pezullohet një nxënëse për ‘një arsye jo-disiplinore’.
Prindërit këmbëngulin që fëmijët e tyre nuk kanë bërë komente homofobike dhe kanë akuzuar drejtoreshënt se nuk kanë ‘eliminuar diskriminimin në bazë të fesë apo besimit’.
Ata gjithashtu përmendën Konventën Evropiane të të Drejtave të Njeriut, duke thënë se kjo kërkon që shkollat të respektojnë mënyrën në të cilën prindërit kërkojnë për të rritur fëmijët e tyre në përputhje me besimin e tyre të krishterë.
Kjo nuk është e para në shkollë dhe drejtuesi i saj është përballur me aktivizmin LGBT.
Në qershor të vitit 2018, shkolla organizoi një paradë ‘Gay Pride’ në shesh lojërash, duke vendosur flamuj ylber rreth shkollës dhe duke u thënë nxënësve të veshin ngjyra të ndritshme për ngjarjen.
Znj. Papas gjithashtu ftoi prindërit të shikojnë paradën ‘Krenar që jam ky që jam!’ dhe të bashkohen për të festuar ‘ylberin e gjërave që i bëjnë ata dhe familjen e tyre të veçantë’.
Në atë kohë, 14 prindër të krishterë u ankuan se Papas ishte duke detyruar një agjendë shumë agresive LGBT për fëmijët e vegjël në një mënyrë që abuzon me të drejtat prindërore dhe viktimizon prindërit.
Në përgjigje, Papas deklaroi se ajo ishte duke mbajtur qëndrim kundër homofobisë: ‘Ne qëndrojmë me vendimin tonë për të festuar muajin kombëtar të Krenarisë Gay duke u mësuar vlerat britanike’.
Izoduwa Montague, nëna e një nxënësi dhe një e krishterë, nuk pranoi të lejonte birin e saj katërvjeçar të merrte pjesë në paradën dhe iu ankua Sekretarit të Arsimit se shkolla kishte hyrë në shndërrimin sistematik të të rinjve dhe të lëndimit të nxënësve të mitur.
Montague tha se ndihej e tallur pasi ajo u ankua se fëmija i saj ishte i detyruar të merrte pjesë në një ngjarje që shkon kundër besimeve të krishtera, dhe më vonë e transferoi fëmijën e saj në një shkollë katolike.
VINI RE: Ky material është pronësi intelektuale e Breitbart
