Atleti Hagos Gebrhiwet nga Etiopia pësoi një humbje të pabesueshme teksa festonte para kohe në garën 5 mijë metra në Ligën e Diamantit në Lozanë të Zvicrës duke u renditur në fund në vendin e dhjetë.
Atleti që ka fituar medaljen e bronzit në Olimpiadë mendonte se ishte në xhiron e fundit, duke iu drejtuar vijës së finishit me sprint shumë përpara pjesës tjetër të garuesve që e ndiqnin.
Ndërsa sinjali lajmëronte për 400 metrat e fundit etiopiani e uli ritmin duke festuar.
Por, ndërsa rivalët e tij e rritën shpejtësinë, ai papritmas e kuptoi se gara nuk kishte përfunduar ende dhe ia futi vrapit për të kapur të tjerët. Megjithatë, ishte tepër vonë pasi ai nuk arriti të rriste ritmin dhe u rendit në vendin e dhjetë.
