Vendosni fjalën kyçe....

I marrin celularin e orën qytetarit me dhunë, arrestohen dy të rinjtë në Tiranë


Dy të rinj në Tiranë janë arrestuar nga policia, pas një kallëzimi për vjedhje me dhunë në banesë.

Shtetasi me inicialet M.M i ka thënë policisë se dy persona i kanë hyrë në banesë dhe i kishin marrë orën dhe celularin.

Pas verifikimeve të policisë, dy të rinjtë u arrestuan kur iu gjetën ora dhe celulari i personit që bëri kallëzimin.

Detajet e policisë

Shërbimet  e Komisariatit të Policisë Nr 1, falë reagimit të shpejtë dhe profesional vunë në praga dy autorët e dyshuar të vjedhjes me dhunë të 29 vjeçarit.

Specialistët e Seksionit për Hetimin e  Krimit në Komisariatin e Policisë Nr 1, pas kallzimit të marrë nga shtetasi M.M, se dy persona i kishin hyrë në  banesë dhe nëpërmjet dhunës i kishin marrë orën dhe celularin, kanë organizuar punën  për identifikimin dhe kapjen e autorëve.

Falë veprimeve të shpejta dhe në bazë të infoiramcioneve të marra në rrugë operative brenda një kohe të shkurtër u bë e mundur identifikimi, kapja dhe arrstimi i autorëve të dyshuar, konkretisht:

  • K.A., 26 vjeç, banues në Tiranë, i dënuar më parë për veprën penale “Vjedhja”.
  • XH.F., 28 vjeç banues në Tiranë, i dënuar më parë për veprat penale  “Vjedhja” dhe “Prodhimi dhe shitja e narkotikëve”

Gjatë kontrollit Policia gjeti dhe sekuestroi në cilësinë e provës materiale orën dhe aparatin celular që këta shtetas i kishin marrë me dhunë shtetasit M.M

Materialet i kaluan Prokurorisë Pranë Gjykatës së Shkallës së Parë Tiranë për veprën penale “Vjedhja me dhunë” kryer në bashkëpunim,  në ngarkim të K. A dhe XH. F.


Leave a Reply

Your email address will not be published. Required fields are marked *