Simona Halep e fitoi titullin e saj të parë të parë të Wimbledonit dhe i shkatërroi ëndrrat e Serena Williams për ta fituar titullin e 25-të të Grand Slams në karrierë. Halep ishte në formë të mrekullueshme dhe e mposhti kundërshtaren brenda 56 minutave.
Rumunia fitoi 6-2 6-2 para një turme të madhe në fushën kryesore të Wimbledonit, duke vrapuar dhe duke e kaluar secilën sfidë që amerikania ia vendoste përpara, transmeton Gazeta Express.
Ky është vetëm titulli i dytë i Grand Slams për 27-vjeçaren, e cila më parë kishte triumfuar në French Open në vitin 2018.
Për Williams 37-vjeçare, kjo ishte disfata e tretë në një finale të madhe në 12 muajt e fundit.
“Ajo luajti si e çmendur, për mua ishte si të të kapin në një gjendje të habitshme paralizuese apo hutie”, tha Williams.
Williams, si në disfatën e vitit të kaluar kundër Angelique Kerber, dukej e rënduar nga pritshmëritë e publikut dhe pritshmërive të veta. Ajo nuk mundi t’i përballojë këtij presioni dhe e filloi keq setin e parë, duke qenë në deficit 4-0.
Halep kishte thënë para ndeshjes se mbi të nuk kishte aspak presion dhe se i pëlqente të luante në këtë mënyrë.
Që nga fillimi, ajo u duk e qetë dhe me vetëbesim, duke e sulmuar Williamsin me goditjet e saj dhe duke i pritur gabimet e amerikanes.
Përderisa Williams i mbyllte sytë gjatë pushimeve për ta përmbledhur veten, Halep i mbante sytë e saj te trofeu dhe e mbajti qetësinë për ta siguruar fitoren në këtë finale të madhe të Wimbledonit.
