Sipas të dhënave britanike, ‘HMS Montrose’ të enjten arriti të zmbraps një sulm të motobarkave iraniane ndaj një anije çisternë britanike, gjë që Irani e hodhi poshtë.
Britania e Madhe ka deklaruar se ditën e enjte një çisternë britanike në Gjirin Persik u sulmua nga disa motobarka iraniane. Kështu që për të siguruar qarkullimin e lirë të mallrave qeveria britanike ka dërguar anijen e luftës ‘HMS Duncan’ të fregatës të dislokuar në Gjirin Persik ‘HMS Montrose’.
Ministri i Jashtëm britanik, Jeremy Hunt ka deklaruar se Britania e Madhe do të shmangë përshkallëzimin e situatës. Sipas tij Britania dhe aleatët e saj nuk duan një konflikt të ri në Gjirin Persik.
Teherani e ka mohuar sulmin ndaj çisternës britanike, ndërkohë që konfiskimi i anijes transportuese iraniane, ka ashpërsuar tonet mes Iranit dhe Britanisë së Madhe. Irani e quajti veprimin e autoriteteve britanike si akt piraterie që do të marrë përgjigjen e merituar.
