Ursula von der Leyen është zgjedhur presidente e Komisionit Europian me 383 vota pro dhe 327 vota kundër.
Një votim jo pak i ngushtë për një pozicion siç është ai i kreut të KE-së. 22 eurodeputetë abstenuan ndërsa 9 vota u shpallën të pavlefshme.
Në fjalën e saj para zgjedhjes, më herët ditën e sotme, von der Leyen tha se për të e rëndësishme do ishte forcimi i Bashkimit Europian.
‘Për mua ka vetëm një gjë të rëndësishme, forcimi i Europës dhe ata që janë në këtë anë do kenë mbështetjen time të fuqishme, ndërsa ata që duan ta dobësojnë këtë Europë do gjejnë te unë një kundërshtare të ashpër’.
