Vendosni fjalën kyçe....

Dyshohet se plagosi me thikë bashkëqytetarin, kapet me thikë në dorë 64-vjeçari në Fier


Policia e Fierit ka ndaluar një person, i cili dyshohet se ka plagosur me thikë një person tjetër në qytetin e Fierit.

Në pranga ka përfunduar 64-vjeçari Agron Muçaj, i cili akuzohet se ka goditur me thikë 46-vjeçarin me iniciale L.T..

Muçaj është ndaluar me thikë në dorë kurse i plagosuri është dërguar në spital e është nën kujdesin e mjekëve.

Njoftimi i policisë

Polica e Fierit parandalon një ngjarje me pasoja të rënda për jetën. Ata kanë mundur të arrestojnë në flagrancë shtetasin Agron Muçaj 64 vjeç, banues në Fier, pasi dyshohet se ka plagosur me thikë një tjetër person.

Ngjarja ka ndodhur në lagjen “16 Prilli” Fier, ku pas një konflikti për motive të dobëta, Muçaj ka goditur me një mjet prerës shtetasin L.T, 46 vjeç, ku falë reagimit të menjëhershëm të Patrullës së Përgjithshme u parandalua përshkallëzimi i mëtejshëm me pasoja të rënda i konfliktit mes dy shtetasve.

Patrulla e Përgjithshme e Komisariatit të Policisë Fier ka kapur në flagrancë autorin e dyshuar së bashku me thikën me të cilën kreu krimin.

Shtetasi L.T ndodhet në Spitalin Rajonal Fier nën kujdesin e mjekëve.

Materialet do i kalojnë Prokurorisë pranë Gjykatës së Shkallës së Parë Fier për veprat penale “Vrasje e mbetur në tentativë” dhe “Mbajtja pa leje e armëve të ftohta”.


Leave a Reply

Your email address will not be published. Required fields are marked *