Manny Pacquiao është bërë super kampion i WBA-së në moshën 40-vjeçare, pasi i mundi me pikë boksierin e pamposhtur deri tani, Keith Thurman, të shtunën në Las Vegas.
Thurman u rrëzua në rundin e parë por u ngrit në këmbë dhe iu ofroi shikuesve një luftë drithëruese deri në fund.
30-vjeçari amerikan ishte në kërkim të fitores së 30-të radhazi, megjithatë ai e shijoi humbjen e parë pas vendimit të gjyqtarëve.
Dy gjyqtarë votuan në favor të Pacquiaos, 115-112, ndërsa një tjetër në favor të Thurman, 114-113.
Pacquiao – kampion bote në tetë pesha – po luftonte për herë të 71-të në karrierë mbresëlënëse gjatë të cilës është mposhtur shtatë herë. Katër nga këto humbjen i pësoi në 11 meçet e fundit para takimit me Thurman.
Filipinasi – i cili është senator në atdhe – mund të përballet me britanikun Amir Khan në duelin e ardhshëm.
