Kryeministri në ikje Kosovës Ramush Haradinaj u takua me strukturat e forcës politike që kryeson AAK në Pejë në kuadër të zgjedhjeve të parakohshme parlamentare.
Në një postim në profilin e tij në Facebook, Haradinaj u shfaq i entuziazmuar për takimin në zonën ku u krijuar Aleanca për Ardhmërinë e Kosovës.
“Në një atmosferë mobilizuese, takim me strukturat e AAK-së në Pejë, aty ku u lind Aleanca. Tani më e fuqishme se kurrë, Aleanca është e gatshme për zgjedhjet nacionale, me ofertën më të mirë të forcimit të lidhjes së qytetarit me shtetin, ekonomikisht të zhvilluar dhe me vizion të qartë për të ardhmen euro-atlantike“- shkruan Haradinaj.
