Vendosni fjalën kyçe....

TEATRI/ Soreca: Çështje e autoriteteve shqiptare. Procedurat e tenderimit duhet të jenë në përputhje me BE-në


“Ne s’mund të japim mendim, është çështje e autoriteteve shqiptare. Teatri është çështje delikate. Çështje e rëndësishme”, kështu thotë ambasadori i BE-së në Tiranë, Luigi Soreca.

Sipas Sorecës çështja e grabitjes së pronës publike është politizuar.

“Është një çështje shumë e rëndësishme dhe është pjesë e një debati intensiv që po bëhet në shoqërinë shqiptare që përfshin shumë ndjenja dhe interesa. Çështja është delikate por edhe e politizuar. Sigurisht që nuk duhet të jemi ne ata që duhet të shprehemi nëse duhet të ketë ndërtesë të re apo të ruhet e vjetra. Këtë përgjigje e japin autoritetet shqiptare.”

Pyetje-përgjigjet e gazetarëve dhe Sorecës:

A duhet të presim Gjykatën Kushtetuese për të marrë një vendim për shembjen?

Mendoj se kjo është subjekt i debatit dhe ajo që është e rëndësishme për ne është respekti i sundimit të ligjit apo shtetit të së drejtës pra procedurat e tenderimit duhet të jenë në përputhje me ato të BE-së. Me sa di unë tenderi është i hapur deri në shtator dhe procedura e tenderit do të jetë e hapur deri në datën 19 shtator.

A u shkelën nenet e kushtetutës në ndërhyrjen e policisë?

Sapo takova zotin Budina dhe jam shumë i lumtur që ai është i pranishëm.

Mendoj se kjo është një çështje shumë e vështirë, e cila duhet të trajtohet me kujdes nga të gjitha palët dhe në veçanti nga institucionet ligjzbatuese duke zbatuar rregullin bazë të lirisë së shprehjes.

Sa i përket BE-së ajo që është më e rëndësishme janë respektimi i procedurave të tenderimit./Hashtag.al


Leave a Reply

Your email address will not be published. Required fields are marked *