Situata e cila u shfaq pasi Ankaraja bleu sistemet raketore S-400 nuk ndikon në marrëdhëniet e Ankarasë me NATO-n, tha Ministri i Jashtëm turk Mevlut Cavusoglu të martën në Tajlandë.
“Ne nuk kemi asnjë çështje me NATO-n, kur shikoni deklaratat e sekretarit të përgjithshëm … në lidhje me S-400 dhe çështje të tjera, nuk është problem për NATO-n,” citoi TASS “Turqia është në pesë vendet e para në kontributet për NATO-n.”
Cavusoglu tha që ishte “më shumë një çështje bilaterale midis Turqisë dhe Shteteve të Bashkuara.” Ministri e bëri deklaratën në Tajlandë, ku po zhvillohet një takim ministror i Shoqatës së Kombeve të Azisë Juglindore (ASEAN).
Diplomati i lartë turk më parë u takua me homologun e tij rus Sergej Lavrov për të diskutuar marrëdhëniet bilaterale dhe çështjet ndërkombëtare.
