Kthesë në hetimet për ish-drejtorin e Burgjeve Arben Çukon. Gjykata e Tiranës i ka ndryshuar atij masën e sigurisë nga “arrest shtëpie” në “detyrim paraqitje” për shkak të mungesës së provave.
Gjykata e ktheu dosjen e tij më 16 Korrik për plotësim hetimesh me pretendimin se hetimet e deritanishme ishin të paplota dhe me mangësi në drejtim të provave.
Ish-deputeti socialist Arben Çuko u arrestua pak muaj më parë në kuadër të operacionit “VOL-VO4” në 18 tetor 2018. Ai akuzohet për “Korrupsioni pasiv i funksionarëve të lartë shtetërorë ose i të zgjedhurve vendorë”, parashikuar nga neni 260 i Kodit Penal.
Emri i ish -drejtorit të Burgjeve doli edhe në dosjen e famshmë 339, ku përmendej për konkurset fiktive dhe për punësimin e militantëve të Partisë Socialiste.
