Vendosni fjalën kyçe....

Shtylla e basketbollit i merr jetën 19-vjeçarit, arrestohet kryebashkiaku grek (VIDEO)


Një 19-vjeçar ka humbur jetën në ishullin grek të Chios, pasi u zu poshtë nga shtylla e koshit të basketbollit. Mediat greke shkruajnë se i riu dha shpirt pak para mesnatës së të dielës, gjatë një loje basketbolli në shkollën e vogël të Daskalopetra.

Topi i basketbollit goditi shportën dhe më pas e gjithë shtylla u shemb në tokë duke zënë poshtë të riun, i cili mbeti i mbuluar në gjak.

Megjithë përpjekjet e ekipit të mjekëve që u dërguan në vendin e ngjarjes për ndihmën e parë dhe e transportuan të riun për në Spitalin Chios, 19-vjeçari nuk arriti të shpëtonte.

Nga fotot, duket se shtylla e basketbollit ishte fiksuar vetëm me disa inç çimento ose pa çimento (siç shihet në foton më poshtë), gjë që çoi në rrëzimin e saj.

Ngjarja është shoqëruar me debate të forta mbi sigurinë. Policia greke ka arrestuar kryetarin e bashkisë së Chios, Manolis Vournos. Ai po mbahet në komisariat deri kur Prokurori të vendosë nëse do të gjykohet apo lihet i lirë.

 


Leave a Reply

Your email address will not be published. Required fields are marked *