Një person i maskuar dhe i armatosur me armë zjarri ka grabitur një zyrë kredidhënieje.
Ngjarja ka ndodhur në Tiranë në rrugën ‘Muhamet Gjollesha’, ndërsa autori i dyshuar pasi ka marrë një shumë parash është larguar me vrap.
Në ndjekje të tij është vënë policia që po punon për kapjen e tij.
Informacion paraparak
Në Tiranë, në rrugën “Muhamet Gjollesha”, në një zyrë që i përket një institucioni financiar për kredidhënie në shuma të vogla, një person i maskuar, nën kërcënimin e një arme zjarri në dukje “pistoletë”, ka marrë një sasi parash dhe është larguar me vrap.
Në ndjekje të autorit janë vënë shërbimet e Policisë “Shqiponjat”, Patrulla e Përgjithshme dhe Forca e Posaçme Operacionale e DVP Tiranë. Grupi hetimor po punon për identifikimin e autorit.
