Një 43 vjeçar në Tiranë ka ndërruar jetë për shkak se ka rënë në kontakt me rrymën elektrike.
Ngjarja ka ndodhur paraditen e sotme në rrugën “Brigada VIII”. 43 vjeçari me inicialet E.K ka qenë duke tentuar të riparuar pompën e ujit në pronën e tij, kur ka rënë në kontakt me rrymën elektrike.
“Rreth orës 11:38 në rrugën “Brigada VIII” shtetasi E. K.,43 vjeç dyshohet se gjatë tentativës për të riparuar pompën e ujit në pronën e tij, ka rënë në kontakt me rrymën elektrike dhe për pasojë ka ndërruar jetë.
Grupi hetimor ndodhet në vendngjarje dhe po punon për për sqarimin e plotë të rrethanave të ngjarjes.”, thuhet në njoftimin e policisë.
