Një polic në Britani ka humbur jetën pasi është përplasur nga një makinë, gjatë kohës kur po përpiqej të ndalonte një grabitje.
Ngjarja ka ndodhur në orën 11:30 të mbrëmjes së kaluar pranë rrugës A4 midis Reading dhe Newbury.
“Mirror” shkruan se dhjetë persona janë arrestuar nën dyshimin për vrasjen e oficerit Andreë Harper, mes tyre një djalë 13-vjeçar.
“Si forcë ne jemi shkatërruar për humbjen e kolegut tonë dhe të gjithë do të mbështesin njëri-tjetrin në këtë kohë të vështirë.”, thuhet në njoftimin e policisë.
Forcat e policisë thanë se Harper ishte “vrarë ndërsa kryente detyrat e tij”, por nuk kanë konfirmuar detaje të tjera.
Kryeministri Boris Johnson tha se ai ishte “thellësisht i tronditur dhe i tmerruar” nga vdekja e oficerit Harper.
Dhjetë persona të moshës midis 13 dhe 30 vjeç janë arrestuar nën dyshimin për vrasjen e oficerit dhe janë në paraburgim.
