Pas incidentit me turistët spanjollë në Porto Palermo, një tjetër ngjarje e rëndë ka ndodhur ku përfshihen klientët dhe një lokal, këtë radhë në Francë.
Me sa duket i zemëruar për shërbimin e ngadaltë, një klient i një restoranti në Francë ka qëlluar një kamerier.
Sipas hetuesve, klienti u mërzit në mbrëmje në restorantin në periferi të Noisy-le-Grand, në lindje të Parisit, sepse sanduiçi i tij nuk ishte përgatitur aq shpejt sa ai e kërkonte. Ai nxorri një pistoletë dhe qëlloi kamerierin në shpatull.
Viktima, një 28-vjeçar vdiq në vendin e ngjarjes. Ndërkohë klienti i armatosur është arratisur dhe autoritetet janë vënë në ndjekje të tij.
