Një person i pajetë është gjetur mesditën e kësaj të shtune në lagjen “Apollonia” në Fier.
Bajram Brataj, rreth 60 vjeç u gjet i pa jetë në katin e tretë të një pallati.
Mendohet se 60-vjeçari kishte disa ditë që kishte ndërruar jetë, pasi trupi i tij është gjetur tërësisht i dekompozuar.
Banorët e pallatit kishin ndjerë një aromë të rëndë që vinte nga banesa e tij dhe për këtë arsye kishin lajmëruar policinë.
Shërbimet zjarrfikëse kanë hyrë nga dritaret e banesës, pasi dera ishte e mbyllur, për të nxjerrë trupin e pajetë.
Dyshohet se 60-vjeçari ka vdekur për shkaqe natyrale.
