Vendosni fjalën kyçe....

Terrorizoi pushuesit e banorët me të shtënat me armë, pranga të riut në Shkodër


Telefonata e disa banorëve ka çuar në burg një 24-vjeçar në Shkodër. 24 vjeçari me inicialet K. H. akuzohet për prishje të qetësisë publike, pasi kishte krijuar panik tek banorët dhe pushuesit në Theth duke qëlluar me armë në ajër.

24-vjeçari u kap me armën e zjarrit kallashnikov, me një krehër me fishekë.

Njoftimi i policisë:

Telefonata në 112 nga banorët dhe reagimi në kohë i Policisë vuri në pranga 24-vjeçarin për armëmbajtje pa leje dhe prishje të qetësisë publike, duke krijuar panik tek banorët dhe pushuesit.

Qëlloi me armë zjarri automatik në ajër, kapet në flagrancë nga Policia e Shkodrës, së bashku me armën kallashnikov, me një krehër me fishekë. Nga strukturat e policisë së Shkodrës, falë reagimit të shpejtë, u arrestua në flagrancë shtetasi K. H. 24 vjeç, banues në fshatin Theth, Shkodër.

Mbrëmjen e djeshme, në sallën operative të Policisë në numrin 112 ka ardhur telefonatë se në qendër të fshatit Theth, Shkodër një person po qëllonte me armë zjarri në ajër, duke krijuar panik te banorët dhe pushuesit. Shërbimet e Policisë kanë reaguar me shpejtësi e profesionalizëm dhe falë bashkëpunimit të banorëve, bënë të mundur identifikimin, lokalizimin dhe kapjen në flagrancë të 24-vjeçarit, bashkë me armën e zjarrit kallashnikov, me një krehër me fishekë.

Materialet iu referuan Prokurorisë së Rrethit Gjyqësor Shkodër për veprat penale “Mbajtja pa leje armëve luftarake  dhe municionit” dhe “Prishja e qetësisë publike”.

 

 


Leave a Reply

Your email address will not be published. Required fields are marked *