Prokurori Rifat Kojku
Pas shpalljes së mungesës së kompetencës nga Prokuroria për Krime të Rënda për dosjen nr.184, të shitblerjes së dyshuar të votave në Dibër, zbardhen emrat e 2 prokurorëve që do vazhdojnë hetimin.
Ata janë Rifat Kojku dhe Belina Zeneli të Prokurorisë së Dibrës. Të dy prokurorët janë caktuar nga drejtuesja e kësaj prokurorie, Esmeralda Cani, e cila kishte marrëdhënie familjare me personat nën hetim (Arben Keshin) dhe si rrjedhim nuk mund t’i hetojë.
Media gjermane “Bild” publikoi 10 përgjime nga dosja 184, e cila ka materiale në lidhje me shit-blerjen e votës në Dibër në vitin 2016, ku në biseda mes tyre janë të përfshirë, ministra, ish-ministra, drejtora policie, njerëz të krimit dhe qytetarë.
Në përgjimet e publikuara janë evidentë zërat e kryeministrit Edi Rama, ish-ministrit Damian Gjiknuri, ish-ministrit Saimir Tahiri dhe deputetë të tjerë socialistë. /Hashtag.al
