Një person ka humbur jetën pasi është përplasur teksa drejtonte një motor nga një mjet tip ‘BMW’.
Ngjarja e rëndë ka ndodhur te 4 Rrugët e Shijakut.
Policia nuk ka dhënë ende hollësi mbi aksidentin ndërsa viktima nuk është identifikuar ende.
Njoftimi i policisë
Më datë 02.09.2019, në vendin e quajtur” Katër Rrugët “, Shijak shtetasi S.D., duke drejtuar mjetin tip BMV është përplasur me mjetin motoçiklet tip Jamaha, pa targa, ku për pasojë ka ndërruar jetë drejtuesi i motoçikletës, i paidentifikuar. Grupi hetimor po punon për identifikimin e shtetasit që ka ndërruar jetë si dhe ka shoqëruar drejtuesin e mjetit në ambientet e policisë për sqarimin e rrethanave të ngjarjes.
