Një nga autorët kryesorë të presidentit amerikan Trump, të planit të paqes në Lindjen e Mesme, Jason Greenblatt, do të largohet nga posti i tij në qeveri pasi të zbulohet marrëveshja e diskutueshme, megjithëse nuk është e qartë pse.
Presidenti njoftoi dorëheqjen e Greenblatt me një postim në “Twitter” pasditen e së enjtes, duke thënë se negociatori i tij i lartë dhe këshilltari ligjor do të largoheshin së shpejti “për të vazhduar punën në sektorin privat” pas gati tre vjetësh në administratën e tij, por nuk e shtjelloi arsyen.
E ardhmja e “marrëveshjes së shekullit”, për të cilën Greenblatt ka punuar për dy vjet, mbetet e pasigurt, pasi palestinezët kanë përjashtuar pranimin e ndërmjetësimit amerikan, duke besuar se çdo marrëveshje që ata mund të arrijnë do të favorizojë Izraelin, sidomos pas vendimit të Trump për të njohur qytetin Jeruzalemit si kryeqytetin izraelit.
