Kryetarja e Lëvizjes Socialiste për Integrim, Monika Kryemadhi, ka reaguar përmes një deklarate për mediat lidhur me raportin e OSBE-ODIHR për votimet e 30 qershorit.
Kryemadhi ashtu sikurse kryetari i PD-së Lulzim Basha, tha se ky raport vërteton ilegjitimitetin e zgjedhjeve.
“Nuk kemi asnjë mëdyshje që raporti i OSBE/ODIHR do të dilte në konkluzione të vërteta.
Ndjemë dhimbje për situatën politike, ekonomike, si rezultat të inkriminimit të gjithë jetës shoqërore.
Raporti një skaner objektiv dhe i tmerrshëm për gjendjen në të cilën gjendet vendi, tregon shkatërrimin e sistemit ligjor dhe shoqëror të Shqipërisë.
Edhe kur organizon votimet Rama nuk i reziston dot futjes së duarve në kutitë e votimit, se i është bërë ves. Ky raport nuk i njeh zgjedhjet”, tha Kryemadhi.
