Argjentinasi Lionel Mesi mund të largohet sezonin që vjen nga Barcelona me kosto zero.
Kontrata e 32-vjeçarit me katalanasit skadon verën e ardhshme dhe sipas spanjolles “El Pais”, në kontratë ka një klauzolë që e lejon atë të largohet pa asnjë kosto për klubin e ardhshëm të “magjistarit”.
Që vitin e shkuar mediat spanjolle raportuan se Mesi mund të largohej në fund të kontratës së tij me Barcelonën drejt Katarit apo Japonisë.
Vetë Mesi nuk është shprehur ende për të ardhmen e tij. Ai ka luajtur për katalanasit për 19 vjet radhazi dhe mbetet për t’u parë nëse do e mbyllë aty karrierën.
