Policia ka vënë në pranga një 32-vjeçar në Kamëz, pasi dyshohet se kishte hyrë në një banesë për të vjedhur. Sipas policisë, 32-vjeçari me inicialet G.D është diktuar nga pronaria e banesës, e cila ka telefonuar uniformat blu.
Ngjarja ka ndodhur në një banesë në rrugën “Halit Haxhia”.
“Hyn në një banesë për të vjedhur, por diktohet nga pronarja e banesës, e cila njofton Policinë.
Falë reagimit të menjëhershëm të Policisë është vënë në pranga autori.
Shërbimet e Komisariatit Nr.5, kapën dhe arrestuan në flagrancë shtetasin:
- D., 32 vjeç, banues Babrru/Kamëz.
Ky shtetas në rrugën “Halit Haxhia” kishte hyrë për të vjedhur në banesën e shtetas A. L., 33 vjeçe, e cila sapo ka parë të riun ka njoftuar policinë. Me marrjen e njoftimit shërbimet e policisë kanë mbërritur menjëherë në adresën e dhënë, ku kanë konstatuar brenda në banesën e shtetases A. L., 32-vjeçarin të cilin e kanë kapur dhe arrestuar në flagrancë.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Vjedhja e mbetur në tentativë”.”, thuhet në njoftimin e policisë.
