Templates by BIGtheme NET

Plagosja e 48-vjeçarit në Korçë, vetëdorëzohet pas 4 ditësh i dyshuari

Një 28-vjeçar është arrestuar në Korçë, katër ditë pas plagosjes së një 48-vjeçari.

I riu me inicialet J.H, akuzohet se ka tentuar të vrasë me kallashnikov shtetasin me inicialet I.H., dhe më pas është larguar nga vendi i ngjarjes me një automjet tip “BMW”.

Ai është dorëzuar vetë në ambientet e Komisariatit të Policisë Korçë, i shoqëruar nga avokati i tij.

DETAJET E POLICISË

Ndalohet autori i dyshuar i tentativës së vrasjes me armë zjarri të 48-vjeçarit, ngjarje e ndodhur katër ditë më parë, në lagjen nr.6 të qytetit të Korçës.

Sekuestrohet arma e dyshuar e krimit, të cilën e posedonte pa leje.

Në vijim të punës për kapjen e autorit të dyshuar të ngjarjes, kontrolleve të shumta të ushtruara nga ana e Policisë Korçë, si edhe falë bashkëpunimit me familjarët dhe avokatin e autorit të dyshuar, u bë e mundur që gjatë mbrëmjes së djeshme shtetasi J.H., 28 vjeç, banues në Korçë, të vetëdorëzohet në ambientet e Komisariatit të Policisë Korçë, i shoqëruar nga avokati i tij.

Ky shtetas ishte shpallur në kërkim për veprat penale “Vrasja me paramendim, mbetur në tentativë” dhe “Mbajtja pa leje dhe prodhimi i armëve e municionit”, në lidhje me ngjarjen e ndodhur mbrëmjen e datës 07.09.2019, ku për motive të dobëta, shtetasi J.H.,ka tentuar të vrasë me armë zjarri tip kallashnikov shtetasin I.H., (i cili për pasojë ka mbetur i plagosur) dhe më pas është larguar nga vendi i ngjarjes me një automjet në përdorim të tij.

Gjatë marrjes në pyetje nga Specialistët për Hetimin e Krimeve, shtetasi J.H., ka treguar edhe vendin ku kishte hedhur armën e krimit, e cila iu gjet dhe sekuestrua në cilësinë e provës materiale, së bashku me automjetin tip “BMW”.

Në bashkëpunim me Prokurorinë, vijojnë veprimet e mëtejshme procedurale.

Komento

Adresa e email nuk do te publikohet. Fushat jane te domosdoshme *

*