Më tej gjatë bashkëbisedimit me gazetarët në “Opinion”, Berisha theksoi se Gjermania ka kërkuar dy herë negociata mes Ramës e Bashës por kjo nuk ishte pranuar nga kryeministri.
“U bënë tentativ për negociata mes Ramës e Bashës. I ka refuzuar Edi Rama. Këto tentativa kanë ndodhur gjatë qershorit. Janë bërë nga gjermanët. Janë dy vetëm, jo një! Kjo është e njohur”, tha Berisha.
Ai tha se opozita e ka dhënë zgjidhjen e saj për daljen nga kriza por kjo nuk pranohet nga kreu i qeverisë.
“Unë mendoj se opozita e ka dhënë formulën, një qeveri kalimtare për të përgatitur zgjedhjet. Me disa detyra të caktuara dhe disa shqyrtime të tjera”, shtoi ish-kryeministri.
