Një pastor amerikan, i njohur për idetë e tij për të luftuar problemet e shëndetit mendor ka vrarë veten.
Jarrid Wilson, 30 vjeç, punoi në Kishën e Krishterë të Fëmijëve Harvest për 18 muaj para vdekjes së tij.
Wilson dhe gruaja e tij themeluan “Himnin e shpresës“, një program i krijuar për të ndihmuar njerëzit që vuajnë nga depresioni, shkruan “BBC“.
Vdekja e tij u konfirmua nga Pastori Greg Laurie, i cili udhëheq kishën në Kaliforninë e Jugut.
“Jarrid e donte Zotin dhe kishte zemrën e një shërbëtori. Ai ishte i gjallë, pozitiv dhe gjithmonë shërbente dhe ndihmonte të tjerët. Jarrid gjithashtu trajtohej vazhdimisht pasi vuante nga depresioni dhe ishte shumë i hapur në lidhje me betejat e tij të vazhdueshme. Ai dëshironte të ndihmonte veçanërisht ata qëkishin mendime vetëvrasëse”, shkroi Laurie në faqen e internetit të kishës.
Për të mbështetur familjen e Wilson në këtë kohë të vështirë, janë mbledhur më shumë se 42,000 dollarë që nga e mërkura.
Wilson ka lënë pas gruan Julie dhe dy djemtë e tyre.
