Një shkollë në Mbretërinë e Bashkuar u dha nxënësve adoleshentë detyrën për të shkruar një shënim vetëvrasës në kontekstin e një ushtrimi për të eksploruar ndjenjat e vetëvrasjeve, duke bërë që një prind “i tronditur vërtet” të ankohej.
Nxënësit e moshës 15 dhe 16 vjeç, që studiojnë Shkollën Cheney në Headington, Oksford, iu caktua detyra si pjesë e studimit të shfaqjes klasike angleze “Një Inspektor Thërret” nga J.B. Priestley.
Një nënë e shqetësuar i tha “BBC News” se projekti ishte një “dështim masiv”, duke zbuluar se ajo ishte tronditur, pasi fëmija i saj e njoftoi atë për detyrën e çuditshme.
Prindi, i cili raportohet se ka një të afërm që ka tentuar vetëvrasjen më herët, i shkroi një letër drejtorit të shkollës, për t’u ankuar. Më tej shkolla kërkoi falje “për çdo shqetësim të shkaktuar” dhe këmbënguli që ushtrimi ishte shqyrtuar dhe “rregulluar në përputhje me rrethanat”.
Nuk është hera e parë që shkollat në Britani përfshihen në të njëjtën polemikë. Në vitin 2015, nxënësve të moshës 14 dhe 15 vjeç në Shkollën e Mesme Beauchamps në Wickford, Essex, iu kërkua gjithashtu që të shkruanin një letër vetëvrasjeje për detyrat e tyre në anglisht.
