Një tren pasagjerësh ka dalë nga binarët gjatë kohës së pikut në mëngjesin e së martës në Hong Kong, duke plagosur tetë persona ndërkohë që 500 të tjerë u evakuuan nga autoritetet.
Në fotografitë nga vendi i ngjarjes të publikuara në rrjet, shihen tre vagonë që kanë dalë nga binarët dhe kanë bllokuar binarët e tjerë në stacionin Hung Hom, i cili ofron shërbime për Kinën.
Pasagjerët u detyruan të largoheshin nga treni përmes një dere të thyer dhe shinave të kryqëzuara, për të shpëtuar.
Shkaktari i këtij devijimi është duke u hetuar, por nuk dyshohet për ndërhyrje të protestuesve, të cilët më parë ishin përpjekur ta bllokojnë sistemin e transportit publik në qytet.
“Ne nuk do të përjashtonim asnjë mundësi, por në këtë fazë nuk do të spekulojmë “, tha shefi i transportit të qytetit Frank Chan në një konferencë për shtyp.
Shërbimet e trenit midis dy stacioneve u pezulluan për shkak të aksidentit, sipas Korporatës MTR, e vetmja kompani hekurudhore e qytetit.
Hong Kongu ka hyrë në muajin e katërt të trazirave politike, në të cilat kanë marrë pjesë miliona protestues, të cilët po e sfidojnë seriozisht pushtetin dhe kontrollin e Kinës ndaj këtij qyteti që nga viti 1997, kur Britania e kishte larguar kontrollin e vet.
