Këngëtarja Jennifer Lopez ka risjellë fustanin që solli shpikjen e “Google Images”.
Ylli i Hollywood-it mbylli shfaqjen e Versace-s në Javën e Modës në Milano dhe të gjithë kanë mbetur me gojë hapur, kur panë se ajo sirolli fustanin e famshëm të 20 viteve më parë, por me pak ndryshime.
Lopez e veshi fustanin me printe tropikale fillimisht në Grammy Awards në shkurt të vitit 2000.
Ish-drejtori i Google Eric Schmidt, zbuloi më vonë se kishte kaq shumë kërkime në këtë motor kërkimi për foton e veshjes, saqë kjo i frymëzoi ata të krijonin Google Images.
Këtë moment edhe vetë Lopez e ka konsideruar si “momentin e saj më të madh në fushën e modës”.
Jennifer Lopez just closed the Versace Spring 2020 show in Milan in a reimagined version of her iconic 2000 Grammy dress. pic.twitter.com/aoX2XFlHdz
— Yashar Ali 🐘 (@yashar) September 20, 2019
Sapo këngëtarja 50-vjeçare u shfaq në tapetin e kuq e veshur me këtë fustan, kamerat dhe sytë e të gjithëve u kthyen tek ajo duke shkatuar të njëjtin efekt si 20 vite më parë.
Fotot e Lopez në versionin modern të veshjes në shfaqjen e firmës Versace, janë parë më shumë se dy milion herë në mediat sociale.
