Rrëzimi i një klase shkolle në kryeqytetin kenian, Nairobi, në orët e para të së hënës, ka vrarë shtatë fëmijë dhe ka plagosur dhjetëra të tjerë.
Një zëdhënës i qeverisë konfirmoi viktimat, ndërsa punëtorët e urgjencës vazhdojnë të punojnë nën rrënoja.
Ngjarja tragjike ndodhi në shkollën e mesme në Ngando Dagoretti.
“Ka pasur 57 nxënës që janë dërguar në spital për trajtim dhe ne gjithashtu mund të konfirmojmë se ka pasur shtatë viktima,” tha Cyrus Oguna, zëdhënësi i qeverisë së Kenias.
Sipas raporteve lokale, një mur u rrëzua në pronën dy katëshe rreth orës 6:50 të mëngjesit me kohën lokale, teksa fëmijët po përgatiteshin të fillonin mësimin.
