Kryetarja e Lëvizjes Socialiste për Integrim Monika Kryemadhi ka folur pas takimit në selinë blu me kryetarët e partive opozitare duke deklaruar se opozita ka qenë gjithmonë për zgjidhjen e krizës politike dhe Kryeministri Rama ka qenë pengesa.
Takimi mes partive opozitare ishte për të vendosur nëse do merrnin pjesë në tryezën e organizuar nga OSBE për reformën zgjedhore.
Opozita do jetë e pranishme në tryezën që do zhvillojë OSBE, duke u përfaqësuar në nivel ekspertësh.
Kryemadhi në daljen për mediat deklaroi se opozita ka gati paketën anti-krizë të cilën do e prezantojë së shpejti.
