Një rregull i ri është miratuar në Rusi. Duhanpirësit rusë nuk lejohen më të tymosin në ballkon.
Ministria e Emergjencave njoftoi se pirja e duhanit është ndaluar në ballkonet e apartamenteve, si dhe në vendet e banimit të konvikteve dhe hoteleve, kjo për arsye sigurie.
Shkrepëset, qirinjtë dhe pirja e duhanit klasifikohen si rrezik për zjarret.
“BBC” shkruan se fillimisht kishte konfuzion nëse edhe pirja e duhanit do përfshihej në rregullat e reja, por më vonë zyrtarët konfirmuan se edhe pirja e duhanit do ndalohej.
Thyerja e rregullave të reja të sigurisë mund të shkaktojë një gjobë deri në 3,000 rubla (ose 42 euro).
“Për çfarë duhet ballkoni, nëse s’mund të pish cigare?” – janë shprehur disa nga kritikët.
Rregullat e reja hyjnë në fuqi më 1 tetor.
