Nëse jeni justifikuar si ‘i sëmurë’ për të mos punuar pas shumë birrave një natë më parë, ligji mund të jetë në anën tuaj, nëse shefi juaj zbulon se keni pirë me të vërtetë. Kjo ndodh në Gjermani, ku një gjykatë ka vendosur që dhimbja e kokës nga të pirët është zyrtarisht ‘sëmundje’.
Vendimi vjen pasi një firmë pijesh, që tregton doza për të luftuar dhimbjet e kokës pas të pirit u dërgua në gjykatë, e akuzuar për pretendime të paligjshme shëndetësore në lidhje me kurat që u ofronte personave që kishin dhimbje koke pas të pirit.
Në aktvendimin e saj, gjykata e Frankfurtit tha se firmat nuk mund të ‘atribuojnë asnjë pronë për parandalimin, trajtimin ose shërimin e një sëmundjeje njerëzore ose të japin përshtypjen e një pronësie të tillë’.
Këto sëmundje njerëzore përfshijnë dhimbjet dhe gjendjen pas të pirit, tha gjykata, duke shpjeguar se një sëmundje mund të përkufizohet si ‘ndërprerje të vogla ose të përkohshme në gjendjen normale ose aktivitetin normal të trupit’.
Lodhja, vjellja dhe dhimbja e kokës janë simptoma të sëmundjes që vjen pas të pirit. Fakti që simptomat zhduken pa asnjë trajtim mjekësor, nuk është i rëndësishëm sipas gjykatës.
