Prodhuesi më i madh i naftës dhe gazit në Kinë, kompania CNPC ka njoftuar zbulimin e një fushë nafte që mund të ketë mbi një miliard ton rezerva në veri-perëndim të vendit.
Sipas CNPC, rezervat e gjetura në fushën e naftës Qingcheng në pellgun e Ordos qëndrojnë në 358 milionë tonë, ndërsa rezervat e vlerësuara të saj mund të arrijnë në 693 milionë tonë.
Një total prej 640,000 tonësh naftë do të prodhohen në fushën e naftës këtë vit, dhe prodhimi vjetor pritet të arrijë në tre milion tonë në të ardhmen e afërt, sipas Li Luguang, nënkryetar i PetroChina (një degë e CNPC).
Kompania gjithashtu raportoi rreth 740,97 miliardë metra kub rezerva të reja të provuara të gazit argjilor, të cilat janë eksploruar në basenin e Sichuan-it në jug-perëndim të Kinës.
Ai planifikon të prodhojë 7.7 miliardë metra kub gaz të argjilës këtë vit dhe të zgjerojë prodhimin në mbi 10 miliardë metra kub deri në fund të vitit 2020.
Blloqet e gazit argjilor Sichuan kanë një rezervë totale të provuar prej 1,06 trilion metër kub, sipas CNPC.
Li tha që kompania do të inkurajojë risitë teknologjike dhe do të zgjerojë eksplorimin e burimeve të energjisë jokonvencionale siç është gazi i argjilës.
