Ushtria dhe policia peruane i premtuan besnikëri presidentit Martin Vizcarra, pasi ai u akuzua për nisjen e një grusht shteti duke shpërndarë parlamentin. Opozita, ndërkohë, votoi për largimin e tij nga detyra.
Kriza politike në Peru që ka kohë që vlon, arriti pikën e shpërthimit të hënën pasi Vizcarra shpërndau parlamentin e kontrolluar nga opozita të hënën dhe bëri thirrje për një zgjedhje të reja të përgjithshme në janar.
“Kjo masë e jashtëzakonshme do i lejojë qytetarët të shprehen më në fund dhe të vendosin të ardhmen e vendit në votime,” tha ai në një mesazh publik nga televizioni shtetëror.
Vizcarra më parë kërcënoi të shpërndajë parlamentin nëse opozita do vijonte të bllokonte faturat e tij anti-korrupsion.
Presidenti vendosi më në fund të bënte këtë veprim, pasi ligjvënësit votuan për të zëvendësuar pothuajse të gjithë gjyqtarët e Gjykatës Kushtetuese, pavarësisht kundërshtimeve të tij.
Ndërsa Vizcarra insiston që veprimet e tij janë plotësisht të ligjshme, parlamenti i deklaroi ato si antikushtetues dhe “një kërcënim për demokracinë”.
Ligjvënësit votuan për heqjen e Vizcarra nga zyra dhe emëruan zv. Presidentin Mercedes Araoz si ushtrues detyre të Presidentit të Perusë.
Vizcarra e ka bërë të qartë që nuk do të tërhiqet. Menjëherë pas shpërndarjes së parlamentit, ai u takua me shefat e ushtrisë, marinës, forcave ajrore dhe policinë, me të gjithë ata duke afirmuar besnikërinë e tyre ndaj tij si president.
Gjatë fushatës së tij elektorale, Martin Vizcarra, kishte si moto kryesore luftën kundër korrupsionit, e cila ka pllakosur në vend për dekada.
Paraardhësi i tij, Pedro Pablo Kuczynski, u detyrua të jepte dorëheqjen vitin e kaluar për akuzat për ryshfet dhe blerje votash.
