U luajtën mbrëmjen e sotme 6 takimet e vlefshme për fazën e grupeve të Ligës së Kampionëve. Padyshim që e gjithë vëmendja ishte te supersfida mes Barcelonës dhe Interit e zhvilluar në “Camp Nou”.
Katalanasit arritën të triumfonin me përmbysje përballë zikaltërve, falë dopietës të shënuar nga Suarez. Kujtojmë që skuadra e Kontes e mbylli pjesën e parë në avantazh, teksa Lautaro gjeti rrugën e rrjetës në mintuën e 3-të.
Në sfidat e tjera, kampionët e Liverpulit triumfuan përballë Salcburg me rezultatin 4-3, Çelsi mori një fitore tepër të rëndësishme në transfertë me rezultatin 1-2, ndërkohë që Ajaksi likuidoi Valencian, 0-3.
