Negociatorët më të mirë të SHBA-së dhe talebanëve do të takohen në Islamabad për të nxitur ringjalljen e procesit të paqes afgane, një muaj pasi bisedimet dështuan.
”I dërguari special i SHBA, Zalmay Khalilzad mbërriti në qytet për t’u takuar me krerët pakistanezë”, ka thënë Ministria e Jashtme pakistaneze.
Kjo është përpjekja e parë për rifillimin e bisedimeve që presidenti Donald Trump i shpalli “të vdekura” muajin e kaluar.
”Një delegacion i talebanëve afganë, i udhëhequr nga kreu i krahut politik i milicisë, mullahu Abdul Ghani Baradar do të mbërrijë në Islamabad’’, tha një zëdhënës i grupit.
”Baradar do të takohet me liderët pakistanezë gjatë udhëtimit, pjesë e përpjekjeve të talebanëve për t’u afruar me vendet e rajonit”, tha zëdhënësi Suhail Shaheen.
“Ky është qëllimi ynë dhe ne po përpiqemi sepse besojmë se ka një mundësi të re pas zgjedhjeve presidenciale afgane” tha zyrtari.