Një 25 vjeçar është vënë në prangat e policisë, pas kontrolleve për sigurinë. I riu me inicialet E.H, banues në Milot, po udhëtonte me makinë në hyrje të Lezhës, kur u ndalua nga policia.
Në makinën e tij u gjetën kapsolle detonatore me fitil zjarrpërcjellës ndërsa gjatë kontrollit të banesës iu gjetën edhe 1 armë zjarri automatik, 115 fishekë model 56 & 54 dhe një palë dylbi.
Po ashtu është proceduar penalisht edhe shoku i tij me inicialet Rr.P. 23 vjeç, i cili ndodhej pasagjer në makinë. Këtij të fundit iu gjetën disa doza lëndë narkotike.
DETAJET E POLICISË
Plan masash për rritjen e parametrave të sigurisë
Kontrolle në akse rrugore, në zona urbane dhe rurale për evidentimin dhe goditjen e paligjshmërisë
Sekuestrohen drogë, armë, municione dhe dylbi nate
Në pranga një shtetas si dhe procedohet penalisht një tjetër
Forcat policore të Lezhës dhe Kurbinit, në vijim të zbatimit të Planit të Masave për rritjen e parametrave të sigurisë, gjatë natës, kanë ushtruar kontrolle ku si rezultat arrestuan në flagrancë shtetasin E.H. 25 vjeç, banues në Milot – Kurbin për veprën penale ” Armëmbajtje pa leje” , si dhe proceduan penalisht shtetasin Rr.P. 23 vjeç, banues në Milot – Kurbin për veprën penale ” Prodhim dhe mbajtje pa leje e armëve luftarake dhe municioneve” , pasi janë ndaluar në hyrje të Lezhës kur po lëviznin me mjetin e tyre.
Shtetasit E.H. gjatë kontrollit të ushtruar kur është ndaluar me mjet iu gjetën 2 kapsolle detonatore me fitil zjarrpërcjellës si dhe gjatë kontrollit të banesës iu gjetën edhe 1 armë zjarri automatik, 115 fishekë model 56 & 54 dhe një palë dylbi.
Ndërsa shtetasit Rr.P. iu gjetën disa doza lëndë narkotike gjatë kontrollit të ushtruar kur është ndaluar me mjet.
Materialet procedurale iu referuan Prokurorisë pranë Gjykatës Shkallës Parë Lezhë për veprime të mëtejshme.
